Polisi Dwyieithog Barclays

Mae Barclays yn ymroddedig i’r cymunedau yr ydym yn gweithio ynddynt, gan gydnabod y Gymraeg yn iaith gydradd â’r Saesneg yng Nghymru.

Mae ein polisi dwyieithog yn nodi’r egwyddorion cyffredinol yr ydym am eu dilyn wrth gynnig gwasanaethau drwy gyfrwng y Gymraeg yng Nghymru. Mae’r polisi yn cydnabod yr hyn a gyflawnwyd hyd yn hyn, a byddwn yn parhau i ystyried datblygiad y polisi wrth i bolisïau, gwasanaethau a mentrau newydd gael eu cyflwyno.

Bydd yr arwyddion parhaol mewn llefydd cyhoeddus yn ddwyieithog, tu mewn a thu allan i ganghennau.

Bydd Barclays yn ymdrechu i sicrhau bod y taflenni am nwyddau craidd sy’n cael eu harddangos yng Nghymru ar gael yn Gymraeg. Efallai y cyfyngir ar hyn weithiau gan realiti masnachol. Bydd y nwyddau a’r deunydd ysgrifenedig yr un fath o ran ansawdd.

Bydd deunydd ysgrifennu wedi’i bersonoli ar gael yn Gymraeg, gan gynnwys: cardiau busnes, slipiau cyfarch, tudalennau blaen ffacs.

Yng Nghymru cewch ddewis defnyddio ein peiriannau arian twll yn y wal yn Gymraeg.

Mae’r staff sydd ar gael i siarad Cymraeg mewn canghennau yn amrywio o ardal i ardal. Er enghraifft, fel y gellir disgwyl mae’r canran o staff sy’n siarad Cymraeg yng ngogledd-orllewin a de-orllewin Cymru yn llawer uwch nag mewn ardaloedd eraill. Pan fo’n bosibl, caiff unrhyw gwsmer sy’n gofyn am gael siarad â rhywun yn Gymraeg y dewis i wneud hynny.

Bydd staff sy'n siarad Cymraeg mewn cangen yn gwisgo bathodyn cydnabyddedig gan swyddfa Comisiynydd y Gymraeg.

Mae gan Barclays wasanaeth ffôn sy’n unswydd ar gyfer siarad Cymraeg a’r rhif yw 0333 202 7450. Mae’r gwasanaeth hwn ar gael rhwng 9 y bore a 5 yr hwyr, ddydd Llun i ddydd Gwener. Y tu hwnt i’r oriau swyddfa hyn caiff cwsmeriaid eu cyfeirio i’n canolfannau Saesneg. O dan rai amgylchiadau bydd yn rhaid trosglwyddo eich galwad i ganolfannau arbenigol eraill na fydd o bosibl yn gallu cynnig gwasanaeth Cymraeg oherwydd rhesymau ymarferol.

Lle bo’n addas byddwn yn ystyried gallu ieithyddol fel rhan o gasgliad o sgiliau wrth asesu am swyddi yng Nghymru. Wrth hysbysebu’n allanol byddwn yn ystyried y dewis o gyhoeddi hysbyseb yn ddwyieithog neu yn Gymraeg yn unig.

Bydd Barclays yn ymateb yn Gymraeg i unrhyw lythyrau a dderbynnir yn Gymraeg.

Er bod hyn yn cael ei adolygu’n rheolaidd, mae ein realiti masnachol ar hyn o bryd yn golygu nad yw pob un o’n llythyrau safonol ar gael yn Gymraeg. Mae Barclays yn cynnig y canlynol yn Gymraeg:

• Llyfrau siec
• Slipiau credyd
• Ffurflenni gorchymyn banc

Mae Barclays yn derbyn sieciau wedi’u llenwi yn Gymraeg.

Pan fyddwn yn gwneud datganiad i’r wasg, bydd llefarydd sy’n siarad Cymraeg ar gael.

Mae Buddsoddi yn y Gymuned yn rhan bwysig iawn o’n gwaith yn Barclays.  Rydym yn credu ei bod hi’n bwysig iawn i roi rhywbeth yn ôl i’r cymunedau rydym ni’n gweithio ynddynt.

O dan ein rhaglen fyd-eang, Banking on Brighter Futures, rydym yn cefnogi pobl dan anfantais i gael annibyniaeth a diogelwch ariannol, gan ddefnyddio ein harbenigedd fel sefydliad gwasanaethau ariannol i wneud gwahaniaeth cymdeithasol mawr, tu hwnt i ddarparu arian yn unig.  Yng Nghymru, rydym yn canolbwyntio ar ein rhaglen Sgiliau Ariannol Barclays sy’n cefnogi pobl i ddatblygu eu gallu ariannol ac yn helpu pobl ddiamddiffyn i reoli eu harian.

Bydd Barclays bob amser yn defnyddio sefydliad neu gwmni sydd wedi’i gymeradwyo gan Comisiynydd y Gymraeg ar gyfer unrhyw wasanaethau cyfieithu sydd ei angen. Pan fo’r deunydd yn gyfreithiol, cyfieithir y dogfennau gan gyfreithiwr a benodwyd gan y banc.

Mae Barclays yn darparu un man cyswllt ar gyfer ei holl staff ar gyfer materion sy’n ymwneud â’r Gymraeg, pan fo’i angen. Y man hwn yw Canolfan Gymraeg Barclays, sydd wedi’i leoli yn Hwlffordd.

Bydd Barclays yn adolygu’n rheolaidd sut y gweithredir ei bolisi dwyieithog ac yn sicrhau gwelliannau pan fo modd.

Bydd Barclays yn ymdrin ag unrhyw gwynion a dderbynnir drwy gyfrwng y Gymraeg yn unol â'i broses arferol o drin cwynion, ac yn ôl rheolau a rheoliadau ein rheolydd sef Awdurdod Rheoleiddio Prudential ag hefyd yr FCA (Awdurdod Gwasanaethau Ariannol). Byddwn yn cydnabod derbyn eich cwyn o fewn 5 diwrnod gwaith.

Rhoddir gwybod i staff Barclays yng Nghymru am y polisi dwyieithog.

I gael mwy o wybodaeth am ein Gwasanaeth Cymraeg cysylltwch â’n Canolfan Gymraeg ar 0333 202 7450. Byddant yn falch o glywed oddi wrthoch.